@bizkaia.eu - zerbitzuak

Bizkaiko Kamiseta lehiaketaren irudi irabazleak

Bizkaiko Kamisetak lehiaketa

BiscayTIK Fundazioak Argazkigintzako eta Arte Digitaleko lehiaketa berri bat abiarazi zuen Bizkaiko ondare historiko eta kulturalaren inguruan. Lehiaketa Ekin Harriari enpresaren bitartez burutu zen; bere lana ezagutzeko, jo www.ekinharriari.com webgunera.

Irabazleek Ekin Harriari markako produktu-sorta bana jaso zuten. Sorta 100 eurotan balioztatu zen eta kamiseta bat, kirol-jertse bat eta hainbat zilarrezko eseki zituen.

Lehiaketan parte hartzeko eta saria lortzeko nahikoa izan zen lan bat lehiaketan aurkeztea 2011ko ekainaren 3etik 21era. Horretarako, lanak partehartu@bizkaia.eu helbidera bidali ziren gaia "Bizkaiko Kamisetak" zela adieraziz eta parte-hartzailearen datu pertsonalak (izen-abizenak, NANa, jaiotze-data, helbide elektronikoa eta harremanetarako telefono zenbakia) eta lanaren izena idatziz. Parte-hartzaile bakoitzak hiru lan aurkezteko aukera zuen modalitate bakoitzean.

Lehiaketan parte hartu zuten pertsona guztiei lehiaketako irudietan oinarritutako kamisetan bat oparituko zaie. Kamisetak BiscayTIKen bulegoetan jaso ahal izango dira abuztutik aurrera. Hala ere, parte-hartzaileak antolatzaileekin harremanetan jarri beharko dira aldez aurretik hitzordua adosteko.

Lehiaketako irabazleak bozketa mistoaren bidez aukeratu ziren, hau da, jendearen botoak eta epaimahaiaren iritzia kontuan hartu ziren. @bizkaia.eu posta-kontuen erabiltzaileek gustukoen zituzten irudiak aukeratzeko aukera izan zuten www.zerbitzuak.bizkaia.eu webgunean 2011ko ekainaren 21etik 29ra.

Zure @bizkaia.eu posta-kontua hemen klikatuz sor dezakezu.

Zalantzarik izatekotan, dei iezaguzu 900 840 250 telefonora edo idatzi partehartu@bizkaia.eu helbidera. Lagunduko zaitugu .

Aurreko zozketak